شعب للزحف المقدس سار
شعب فسيته تطلع شرار
وأتهزمنا
أتهزمنا
أتهزمنا
أتهزمنا معلش أصل النتيجة 4/0
أتهزمنا يوم أبوتريكة أنهار
ورجلين ديكو نور ونار
والحلم أنهار
الحلم أنهار
الحلم أنهااااااااااااااااااااااااااااااااااااااااااااااااااااااااار
أكثر من عشرين مكالمة تسألني عن أمكانية توفير تذاكر لمباراة الأهلي وبرشلونة - والسبب أني عضو بالنادي الأهلي - حرص غريب من شباب وبنات بحضور هذه المباراة أرقام غريبة في سعر التذكرة -150جنيه هو آخر سعر للدرجة التالته -وطبعا المباراة أبتدأت والمدرجات كومبليت
وأنا أخدت شنطتي ونزلت شغلي زي أي يوم عادي وكان من أجمل أيام الشغل الشوارع فاااااااااااضية وعيادات الدكاترة خالية أنها يافطة كبيرة رفعها الجميع وأكتملت بحضور الرئيس عنوانها عفوا شعب مصر يشاهد المباراة
وللأسف لم تكتمل الصورة بالملايين ينزولون في الشوارع بعد الفوز كما حصل في الدورة الأفريقيه حيث خسر الأهلي
تحدث الكثيرون حول سبب الأهتمام بالمباريات وتكلموا حول الكثير من التحليلات الأجتماعية أهمها أن الشعب يفرغ فيها مشاعر الأنتماء بصورة تكون آمنة من غير أعتقالات ووجع دماغ وقالوا أيضا أنه نوع من غسيل المخ لهذا الشعب بالكورة وقال المدافعون أيه المشكلة الجماهير الأنجليزية تنزل بالملايين للشوارع
حاولت أتفلسف وأحلل الأسباب وراء السلبية السياسية والجنون الكروي طيب لو كان الأنتماء هو السبب طيب ليه الناس دي مابتنزلش في المظاهرات طيب لو كانت الكورة هي السبب طيب ليه الناس دي مابتنزلش الشوارع لما مانشستر بيفوز على ريال مدريد مع أن النهارده كل الشباب بيتابعوا كأس الأندية الأوربيه وبيتابعوا مبارياتها وبيشجعوا فرق بعينها وبيتحمسوا لها طيب لو كان هو الخوف هو السبب في أحجامهم عن التظاهر طيب ليه قلوبهم بتبقى مش خايفه والجماهير بتشتبك مع بعض وبتحدف بعض بالطوب خلال المباراة وبعدها واللي يشوف جماهير الأسماعيلي وهو جاي يشجع في ماتش داخل القاهرة هيحس بأنهم مجموعه من مناضلين كفاية بيعملوا مظاهرة داخل الحزب الوطني -على فكرة آخر هتاف بيقوله مشجعي الأسماعيلي بصوت عالي في المدرجات عيب عليك ياريس شجع نادي كويس- في النهاية هأقول أني عجزت عن الفلسفة ومالقيتش غير كلمه واحده عجبي
Posts
